Размер шрифта    A A    |    Цвет фона    А А Полная версия сайта
Кўзи заифлар учун мосланган сайт версияси

БАТ Ўзбекистон

«Бритиш Американ Тобакко» компанияси Ўзбекистон бозорида 1994 йилдан бери ишлайди ва 1000 ортиқ ходимга эгадир. «Бритиш Американ Тобакко»нинг Ўзбекистон иқтисодиётига киритган инвестициялари миқдори 300 миллион АҚШ долларидан ошди.

«Бритиш Американ Тобакко Ўзбекистон» портфели Kent, Pall Mall ва Viceroy оилалари каби машҳур халқаро маркаларни ўз ичига олади.

Ўзбекистонда сотиладиган сигаретларнинг аксарият қисми Самарканд Сигарет Фабрикасида ишлаб чиқарилади. Самарқанд Сигарет Фабрикаси 1997 йилда қурилган бўлиб, замонавий юқори технология асбоб-ускуналари билан жиҳозланган. Фабриканинг ишлаб чиқариш ҳажми салоҳияти йилига 20 миллиард сигаретани ташкил этади ва унинг бу қуввати маҳаллий бозорни тўла қондириб, қўшни давлатларга жаҳон сифатидаги маҳсулотни етказиб бериш имконини беради.

«Бритиш Американ Тобакко Ўзбекистон» шунингдек тамаки баргини қайта ишлаш ва экспорт қилиш билан ҳам шуғулланади. Компания Самарқанд вилояти фермерлари билан яқиндан ҳамкорлик қилади. Шу муносабат билан Ургут Ферментацион Заводида қайта ишланадиган тамакининг рақобатбардош шарқона турлари бўлмиш «Измир», «Басма», «Дюбек», ҳамда машҳур «Вирджиния» тамаки турлари ўзлаштирилди. Ҳозирда Ўзбекистон тамакиси дунёнинг 10 дан зиёд мамлакатларига, хусусан, АҚШ, Германия, Туркия, Малайзия, Жанубий Африка, Россия мамлакатларига экспорт қилинади.

Самарқанд Сигарет Фабрикаси ва Ургут Ферментацион Заводининг сифат бошқаруви тизими ISO 9001 стандартига мувофиқлик бўйича сертификацияланган.

«Бритиш Американ Тобакко Ўзбекистон» ўз фаолиятининг барча босқичларида маъсулиятли фаолият олиб боришга интилади. Компания қатор ижтимоий лойиҳаларни амалга оширмоқда. Хусусан, тамакичилар оилаларидан чиққан талабалар учун грантлар берувчи «Орзулар рўёбга чиқмоқда» лойиҳаси, аҳолини ичимлик суви билан таъминлашга қаратилган «Артезиан қудуқлари» лойиҳаси, шаҳарни реконструкция қилиш ва кўпгина бошқа лойиҳалар шулар жумласидандир.